إلى الشهيد لبنان العزي
|
المستقبل - مروان أنيس العزي / برلين ألمانيا: هيدا عريس صيدا عريسنا ال كان معنا وفجأة راح وما ودعناه وما ودعنا تركت فراغ كبير يا خيي واليوم الحياة بدونك ما الها معنى... يا ريت الامر كان ب ايديي كنا لبينا وجينا وأسرعنا افترقنا وشاءت القدرة الآلهية والرب بجنتو نشالله حيجمعنا... لقائي فيك كان للحظات حميمية حكينا تحدثنا استمتعنا وخبر استشهادك أثّر فيي ومن وجك الحلو ما شبعنا... اشتاقت عيلتك زوجتك لعيونك المليانة حنية اشتاقت صيدا لعيونك المليانة حنية ولكلماتك ال كانت تهدينا وتنفعنا واشتاق اقليم الخروب لدعساتك الثابتة القوية الله يصبّرنا ومتأكد انك عم تشوفنا وتسمعنا... بكيتك بصدق عينيي ومن حق الرثاء ما حدا بيمنعنا طهارتك كانت غير عادية واطلالتك كانت الامان النا... بقناعاتنا ماضيين وما حدا بيخوّفنا وبيفزّعنا وللآخر رايحين ماشيين ودمك يا لبنان مش ناسيين نحنا ما خنّا الوطن وفيه تاجرنا وبعنا وما حدا يقلّي ب اسم المقاومة والممانعة والدين الشارع شارعنا هيي ما دامت لا لفرعون ولا لشارون ورابين وافهموها هيدا كل اللي عنا... شبابنا اخواتنا متعلمين اكاديميين وبكل تضحية دماء دفعنا وخاطىء وتافه ومسكين اللي مفكر انو ل آل العزي بيركعنا جذورنا ع مساحة الوطن ممتدين وما حدا بيقلعنا وخيارنا الدولة وب 10452 كلم مؤمنين والقلم سلاحنا ومدفعنا نحنا كمان قدّمنا شهيد ب اواخر التمانين بتشهد أنان جزين هشام العزي الحارب العدو الصهيوني ودافع عن شرفنا وعزتنا ويا بيي ابو مروان اللي من شموخ وعزة الارز وصنين وجعك ولله هوي وجعنا http://www.almustaqbal.com/storiesv4.aspx?storyid=575802
| |
|
|