صيدا سيتي

تخطى الـ1600 ليرة بأشواط.. هذا سعر الدولار بالسوق! المحتجون قطعوا الطريق الرئيسي عند الملعب البلدي بصيدا باتجاه بيروت اسامة سعد: على السلطة أن تدرك بأن متغيرات حصلت وآن آوان إنتقال السلطة قد حان المحتجون قطعوا دوار مكسر العبد وطريق القياعة في صيدا إضراب عام في صيدا .. إقفال جميع المدارس والجامعات والمعاهد في المدينة مزيد من الطرقات المقطوعة في صيدا سلطة مكابرة تستعد لمزيد من القمع والسرقة قرارات الحكومة: القضاء على كل فرص النجاة وائل ابو فاعور المشاغب الأوحد الطرق المقطوعة على أوتوستراد صيدا بيروت حراك صيدا "بيعرف يفرز"!! - صورتان حراك صيدا الشعبي يكشف عن "تحالفات سياسية" جديدة، فهل تستمر ام تبقى مؤقتة؟ تظاهرة صيدا في يومها الخامس .. بكل ألوان الطيف "الشعبي" - 4 صور البزري: قرارات مجلس الوزراء جاءت متأخرة وغير كافية ولم تُلبي مطالب الحراك الشعبي ‎ العمل على إصلاح خط ٤ انش في منطقة المية ومية - الاسماعيلية وتم تأمين المياه للمشتركين اختتام "دبلوم في إدارة المنظمات غير الحكومية NGO’s Management" ـ 4 صور طريق الساحل ما زال مقطوعا عند الجية وبدء توافد المحتجين للمشاركة في الإعتصام المركزي إصابة 64 شخصاً كحصيلة نهائية للأيام الأربعة الماضية من جراء التظاهرة الجارية في مدينة صيدا - 5 صور وجع الشعب قلَبَ الطاولة بالفيديو ... أسامة سعد: الورقة المطروحة للحل مرفوضة، وعلى السلطة التسليم بالتغيير الحاصل والقبول بمرحلة انتقالية‎

رزق الله ..

مقالات/ تحقيقات/ دراسات - السبت 29 كانون أول 2018
X
الإرسال لصديق:
إسم المُرسِل:

بريد المُرسَل إليه:


reload

هيدا البيت طابخ ملوخية .. وهيدا البيت عم يقلي باتنجان .  وريحة الخيار يعني عم يعملوا سلطة .  والسمك شارح حالو لحالو .. ودبح البطيخة فضيحة بتوصل ريحتها لآخر الدني ..

أنا من بلد كان القمر فيه بالصيف يعني مشوار .. وكل عرس يعني تلبيسة .. وكل ولادة يعني كاسة مغلي.  وكتب الكتاب يعني ملبس ..

أنا من بلد كانت امي تقول "غسل وجهك لأنك ما بتعرف مين ببوسو.  وكنّس بيتك ما بتعرف مين بيدوسو "

وبيّ يقول "جارك خيّك، إذا ما شاف وجهك بيشوف قفاك "

أنا من بلد لما يندق الباب منتحذر بين بعضنا مين هوه ومنقول: يا ترى مين إجانا. هيدي نقرة الجارة سريعة وقصيرة.. هيدي دقة عمتي  ناعمة.. هيدي خبطة ابن الجيران ببوز صباطو ع الباب .. وهيدي خشخشة مفاتيح بابا..

أنا من بلد الأساور الرفيعة والمبرومة وإسوارة الحيّة .

أنا من بلد كاسة الليمون على أصولو والكازوزة والقمردين . 

بلد كل شي بيصير فيه بيستاهل يكون خبرية. ولدت القطة ، فتّحت الفلة ، فتّح زهر الليمون ..

بلد حتى حبال الغسيل فيه بتحكي قصص .. وملاقط الغسيل بتنقل رسايل الغرام.  ونشر الغسيل إلو أصولو منشان يقولو عن الست مرتبة .

بيت الجيران أول باب بيندق لما بيخلص الخبز أو السكر ع غفلة، ولما ما بيلتقى روبة لبن ..

بيت الجيران مصدر دعم أرغفة الخبز لما بيجو الضيوف فجأة والبيت ما فيه خبز كفاية .. وبكل مطبخ مرطبان القورمة واللبنة المكبكبة والتين المعقود والزعتر بالسمسم لأطيب منقوشة .

ببلدي كانت إيام الشتا فير شكل .. يا عيني على إيامها. كان المنقل ودخانو وكاسة الشاي يللي متل الدبس..

وين هيديك الإيام؟!

إذا دمعت عينيك بعد قراءة هالكلام إذن انت من لبنان إيام زمان، مش بلد الزبالة والحرمان والحرامية!. 

@ المصدر/ عبد الفتاح خطاب - منقول بتصرف


 
design رئيس التحرير: إبراهيم الخطيب 9613988416
تطوير و برمجة: شـركة التكنولوجـيا المفتوحة
مشاهدات الزوار 915551625
الموقع لا يتبنى بالضرورة وجهات النظر الواردة فيه. من حق الزائر الكريم أن ينقل عن موقعنا ما يريد معزواً إليه. موقع صيداويات © 2019 جميع الحقوق محفوظة