صيدا سيتي

لقاء المنارة الثقافي قناريت يُكرم الشاعر د.محمد علي شمس الدين - 24 صورة Welcome Kids to Summer Camp at ALPHABETICA in Saida - Sharhabil أكاديمية إعداد القادة (للأطفال والشباب) في صيدا للإيجار شقة بحالة ممتازة في منطقة الفيلات - قرب المصدر للخضار والفاكهة برامج دورات الاكاديمية الدولية خلال الصيف معهد Tutor me: الإشراف على إنجاز فروض العطلة الصيفية - جديدنا: Magic Math خليل المتبولي: تشويش رقم 10 - الحدث الحرارة تتخطى معدلاتها الموسمية توقيف مواطن بتهمة محاولة القتل في المساكن الشعبية في صور ظاهرة الاتجار بالأطفال رائجة في لبنان عبر شبكات منظمة .. البحث عن العائلة والهوية معاناة تلاحق الآلاف اخماد حريق هشير قرب البيطار طريق مغدوشة القديم - 3 صور جمعية صيدا انترناشيونال ماراثون أطلقت التحضيرات لـ" ترياتلون صيدا الدولي "Saida International Triathlon" الثاني في الأول من أيلول 2019 ـ 7 صور إدارة مستشفى حمود الجامعي هنأت خريجي كلية الطب في جامعة بيروت العربية لهذا العام - 24 صورة إضراب عام في مخيمات .. و"لجنة الحوار اللبناني الفلسطيني" تلتئم اليوم الاضراب العام والحداد يعم ​المخيمات الفلسطينية​ في لبنان من شمالها الى جنوبها توقبف مروج مخدرات وأربعة من زبائنه توقيف ابليس في الرميلة "أهلنا" أصدرت تقريراً بتقديماتها للعائلات الأقل حظاً خلال شهر رمضان المبارك وعيد الفطر "جبهة التحرير الفلسطينية" رحبت بموقف الرئيس بري الوطني برفض "صفقة القرن" مسبح صيدا الشعبي.. انطلاقة قوية للموسم الصيفي - صورتان

رزق الله

مقالات/ تحقيقات/ دراسات - السبت 08 أيلول 2018
X
الإرسال لصديق:
إسم المُرسِل:

بريد المُرسَل إليه:


reload

كتب عبد الفتاح خطاب - منقول بتصرف: 

هاد البيت طابخ ملوخّية .. وهاد البيت عم يقلي بيتنجان .. وريحة الخيار يعني سلطة .. والسمك شارح حالو لحالو .. ودبح البطيخة فضيحة .. وبتوصل ريحتها لآخر الدنيا؟

أنا من بلد كان القمر فيه بالصيف يعني سيران .. وكل عرس يعني تلبيسة .. وكتب الكتاب يعني ملبس.

انا من بلد كانت أمي تقول : يا أبني “ غسل وجهك لأنك ما بتعرف مين بيبوسو، و كّنس بيتك لأنك ما بتعرف مين بيدوسو”

وأبي يقول : “جارك أخاك .. إذا ما شاف وجهك بيشوف قفاك”

انا من بلد لما بيندق فيه الباب منتحذر بين بعضنا وبنقول: يا ترى مين إجانا؟

هي نقرة الجارة .. سريعة وقصيرة، هي دقة عمتي .. ناعمة وخفيفة .. هي خبطة ابن الجيران ببوز صباطو ع الباب .. وهي خشخشة مفاتيح بابا

انا من بلد .. الأساور الذهبية الرفيعة والمبرومة والحيّة.

انا من بلد كاسات الليموناده، والتمر الهندي، و”الكازوزة” الأورانج، والكولا، والقمر دين.

بلد كل شي بيصير فيه بيستاهل يكون خبريّة .. ولدت القطة، فتّحت الغاردينيا والفلّة، فّتح زهر نيسان.

بلد حتى حبال الغسيل فيه بتحكي قصص، ولقّاطات الغسيل بتنقل رسائل الغرام، ونشر الغسيل له أصوله.

بلد كانت الست تقول: “لو كانت أسوارتي وقيّة ما لي عن جارتي غنيّة”

بيت الجيران أول باب بيندق لما بيخلص الخبز او السكر على غفلة، ولّما ما بيلتقى روبة لبن.

بيت الجيران أول بيت بنزوره بالعيد لناخد أول عيدية

والبيت يللي بنوقف قدامه لنوصّله صحن طبخ .. كل مغرب برمضان.

ببلدي ما فيه قطّة جوعانة .. وكلاب الشوارع شبعانة

قدام كل بيت حبقة وفّلة ودالية وياسمينة .. بكل مطبخ مرطبان مكدوس ومرطبان قورمة ولبنة مكبكبة وزعتر بالسمسم لاطيب منقوشة

ببلدي .. كانت أيام الشتا .. ياعيني على أيامها .. كان الوجاق ودخانه ... وكاسة الشاي عالصوبيا..

ببلدي كانت كلمة الرجال أقوى من مليون كونتراتو واتفاق ..

وين هديك الايام ..

إذا دمعت عينك بعد قراءة هالكلام ؟ إذن انت من لبنان ايام زمان مو من بلد الزبالة والحرمان!!


 
design رئيس التحرير: إبراهيم الخطيب 9613988416
تطوير و برمجة: شـركة التكنولوجـيا المفتوحة
مشاهدات الزوار 902973608
الموقع لا يتبنى بالضرورة وجهات النظر الواردة فيه. من حق الزائر الكريم أن ينقل عن موقعنا ما يريد معزواً إليه. موقع صيداويات © 2019 جميع الحقوق محفوظة