صيدا سيتي

الحاج محمود عبد الله أبو هدوي (أبو عبد الله) في ذمة الله عناصر اطفاء سرية صيدا اخمدوا حريق أشجار بالقرب من أبنية اطلاق نار بالهواء بالشارع الفوقاني داخل مخيم عين الحلوة الأنروا: استئناف توزيع المساعدات الإغاثية النقدية للمستفيدين الذين حصلوا على أرقام حوالاتهم الحاجة صفية مصطفى جعفر (أرملة عز الدين البركي) في ذمة الله عنده المالح وعنده الحلو وعن أسعاره ما تسألوا .. CANDY LAND يرحب بكم متى يُعاود العمل في مكاتب ومديريات الصندوق الوطني للضمان الاجتماعي؟ دعوة إلى وقفة عز وكرامة رفضاً لقانون العفو العام الذي يطال العملاء زيارة إلى أمل كعوش..وفنون التعبير عن إحباطنا بحواضر البيت الكشّاف المسلم في صيدا... لفتة إنسانية (النهار) تعميم من وزارة السياحة إلى المنقذين البحريين في المسابح والمؤسسات السياحية البحرية اندلاع حريق في منزل بمنطقة تعمير في عين الحلوة .. وإصابة أم وطفلين "المستقبل": عفو لرفع الظلم! .. أحمد الحريري: إقتراح لا يتعارض مع هيبة الدولة العينا في ذكرى الأخوين المجذوب: ضرورة تنفيذ خكم الإعدام بالعميل محمود رافع محمد حسين الزين (أبو حسين) في ذمة الله وزارة الصحة: 21 إصابة جديدة الشهاب: الأمل والرجاء سُنّة الله في خلقه! مراقبو الصحة جالوا على مؤسسات غذائية في صيدا مطلوب موظف ذو خبرة في تركيب وتصنيع البهارات لشركة تجارية في صيدا - للتواصل 70024023 استقالة عضو من بلدية ريمات جزين

قالت ستي

مقالات/ تحقيقات/ دراسات - الأحد 19 آب 2018
X
الإرسال لصديق:
إسم المُرسِل:

بريد المُرسَل إليه:


reload

وقت الكباب سكروا الباب .. ووقت المجدرة نادوا للمعترة

ابن آدم نصو خلقة ونصو خرقة .. ويلي ما بتزينو عروقو ما بيتزينو خروقو

البخيل متل الكديش .. بيحمل دهب وبياكل حشيش

خدي الفارس .. ولا تاخدي الدارس

خايف هزك يا غربالي .. يوقع منك كل عزيز وغالي

العشرة يلي هانت .. ياريتها ما كانت!

اللي بيعاتب الرخيص .. بيرخص!

اللي بقلبي علساني .. واللي مو عاجبو ينساني

الأصيل أصيل ولو حظو على قدو .. وأبن النعمة مبين ولو الزمن هدّو

مو كل ورد خلق للشم .. ولا كل البشر بتنفدى بالدم

 قالتلا ياجارة سكبيلي .. ردتلا بكفوفي ولا بصحونك الي ع رفوفي

لا تُضرب وتغمق الجرح .. مابعد العداوة إلا الصلح

نامو عندي  ليلة .. فكرو حالهم من العيلة

بنت الأصل بتخلي كوخها قصر

النذل يلي متعود على الوخامة .. ما بتناسبو بنت الشرف والشهامة

الله يخلينا بعقولنا .. لوقت نصل لقبورنا

لما الكلب يشوف اللحمة .. مابقا يعبي عينو الخبز والملح

صاحبي مين ترد غيبتك .. ولا تصاحبي مين تجيب سيرتك

يلي بيفشخ أكبر من فشختو .. بيقع وبتنفك رقبتو

حسدونا على ضحكتنا .. حتى إجت الأيام وأخدتها

حملي عصاية السيلفي ودوّريا .. وكل ما بتطبخي طبخة صوّريا

خليكي عند أهلك عزيزة وشبعي دلال .. صح كتار الشوراب بس قليلين الرجال

قبل ماتركبي لدينتك حلق روحي .. ركبي لتمك غلق

ماصفي حدا صالح .. كل الناس مصالح

ناس من لحمك ودمك باعوك .. لا تلوم يلي مبارح عرفوك

مو كل يلي بيحكي فهيم .. ولا كل يلي بيسكت بهيم

دروس الحياة مو ببلاش .. دافعين تمنها من عمرنا كاش

قلت لحظة رايحة لعند أهلي .. قلي روحي وأنا لاحقك على مهلي

كله ماشي بألف وش .. والقلوب مليانه غش

الله يكفينا شر من رحب فينا وهلا .. ومن ورانا حكى علينا وما خلا

لاتحكي عن زوجك لصاحبتك يا بتحسدك يا بتاخدو وبتقهرك

اشكي لربك ونام .. ولا تشكي لبني آدم وتنهان

الأم بتربي عشرين ولد وبتحملون .. وعشرين ولد ما بيحملو أم

الدنيا بالضيق بتورجيك .. مين ببيعك ومين بيشتريك

حسدوها على جوزا وعلى ذوقو .. قالتلن ريتو ملح وكل الناس تدوقو

الغربة متل الحمام العمومي ... الي برا حيموت ليدخل، والي جوا موطايق الريحة

شيل الريحانه وشمها .. وخود البنت على ريحة أمها

يلي ألو غايب .. بضل قلبو دايب

لا تاكل هم حدا .. لأن وقت همك الكل عامل ريجيم

الست مالها غير صحتها .. لارجال بيشفع ولا أولاد بتنفع

اي نعم .. صدقت ستّي!!   

@ المصدر/ عبد الفتاح خطاب - منقول


 
design رئيس التحرير: إبراهيم الخطيب 9613988416
تطوير و برمجة: شـركة التكنولوجـيا المفتوحة
مشاهدات الزوار 931491244
الموقع لا يتبنى بالضرورة وجهات النظر الواردة فيه. من حق الزائر الكريم أن ينقل عن موقعنا ما يريد معزواً إليه. موقع صيداويات © 2020 جميع الحقوق محفوظة