أبو مرعي في يوم العمال: أملنا بعهد رئيس الجمهورية إنو يكون في مسار جدّي
صيداويات -
الجمعة 01 أيار 2026 - [ عدد المشاهدة: 2863 ]
في ١ أيار، يوم العمال، ما فينا نمرق هاليوم متل العادة بلبنان.
اليوم، آلاف العمال خسروا شغلهم أو توقّف عملهم بسبب حرب ما إلها علاقة بمصلحة اللبنانيين، بل نتيجة صراعات إقليمية عم يدفع ثمنها المواطن البسيط.
وبين غلاء معيشي خانق وسياسات حكومية عاجزة، صار العامل اللبناني محاصر من كل الجهات.
المشكلة مش بس بالأزمة الاقتصادية، بل كمان بغياب حلول جدّية من الحكومة لوقف التدهور وحماية الناس.
العامل اليوم عم يطالب بأبسط حقوقه: فرصة عمل، دخل كريم، واستقرار.
بهاليوم، منعبّر عن أملنا بعهد رئيس الجمهورية إنو يكون في مسار جدّي نحو إنهاء هالمآسي عبر الدبلوماسية، وإبعاد لبنان عن صراعات ما بتشبهه.
أملنا يرجع كل عامل على شغلو، وترجع الكرامة لناسها.
كل عام وكل عامل لبناني بخير… وإن شاء الله الأيام الجاية تكون أحسن
دلالات : رجل الأعمال السيد مرعي أبو مرعي