صيدا سيتي

​دروس خاصة بتلاميذ شهادة الاعلان الغرافيكي وتحضيرية لامتحان الدخول للجامعة 78866288 اختراق خطير... القوات الخاصة الروسية تقتحم مواقع معادية (فيديو) بهية الحريري ووفد من المستقبل - الجنوب عايدوا المطرانين العمار وحداد بالفصح - 15 صورة الشاعر محمد كروم يحيي أمسية شعرية في قاعة "اشبيليا" في صيدا - 25 صورة منها الإرهاق والكآبة.. هذه الأساب تدعو الى ترك العمل الحفل الختامي السادس في مؤسسة تريبول روبوتكس التربوية - 29 صورة برنامج مهرجان قافلة بين سينمائيات / لبنان في مركز معروف سعد الثقافي من 26 لغاية 30 نيسان السعودي رعى في بلدية صيدا حفل توقيع كتاب "الطائفة اليهودية في صيدا تاريخها وحضورها" - 15 صورة البزري يُهنئ بعيد الفصح المجيد - 10 صور دعوة للمشاركة في إحياء يوم شهيد التنظيم الشعبي الناصري خامنئي يعفي اللواء محمد علي جعفري من منصبه كقائد للحرس الثوري الإيراني جائزتان للمخرجة "منار أسامة سعد" في مهرجان القاهرة للفيلم المصري القصير - صورتان خليل المتبولي: "هي وهنّ" - الطلاق نغمة حزينة بين الرجل والمرأة! حفل تخريج الأطفال الثاني في حضانة Leaders Gate Nursery في الشرحبيل - 18 صورة رحيل كشفي للكشاف العربي - 23 صورة قداديس الفصح في صيدا: عيد رجاء وانفتاح - 4 صور التمييز يلاحق التمـُّيز الفلسطيني في لبنان الثلوج في جوار صيدا بدءا من ارتفاع 500 متر- 4 صور وفد من أمل زار مطراني صيدا مهنئا بالفصح للإيجار شقة مفروشة في صيدا - شارع الهلالية العام - 18 صورة

رزق الله ..

مقالات/ تحقيقات/ دراسات - السبت 29 كانون أول 2018
X
الإرسال لصديق:
إسم المُرسِل:

بريد المُرسَل إليه:


reload

هيدا البيت طابخ ملوخية .. وهيدا البيت عم يقلي باتنجان .  وريحة الخيار يعني عم يعملوا سلطة .  والسمك شارح حالو لحالو .. ودبح البطيخة فضيحة بتوصل ريحتها لآخر الدني ..

أنا من بلد كان القمر فيه بالصيف يعني مشوار .. وكل عرس يعني تلبيسة .. وكل ولادة يعني كاسة مغلي.  وكتب الكتاب يعني ملبس ..

أنا من بلد كانت امي تقول "غسل وجهك لأنك ما بتعرف مين ببوسو.  وكنّس بيتك ما بتعرف مين بيدوسو "

وبيّ يقول "جارك خيّك، إذا ما شاف وجهك بيشوف قفاك "

أنا من بلد لما يندق الباب منتحذر بين بعضنا مين هوه ومنقول: يا ترى مين إجانا. هيدي نقرة الجارة سريعة وقصيرة.. هيدي دقة عمتي  ناعمة.. هيدي خبطة ابن الجيران ببوز صباطو ع الباب .. وهيدي خشخشة مفاتيح بابا..

أنا من بلد الأساور الرفيعة والمبرومة وإسوارة الحيّة .

أنا من بلد كاسة الليمون على أصولو والكازوزة والقمردين . 

بلد كل شي بيصير فيه بيستاهل يكون خبرية. ولدت القطة ، فتّحت الفلة ، فتّح زهر الليمون ..

بلد حتى حبال الغسيل فيه بتحكي قصص .. وملاقط الغسيل بتنقل رسايل الغرام.  ونشر الغسيل إلو أصولو منشان يقولو عن الست مرتبة .

بيت الجيران أول باب بيندق لما بيخلص الخبز أو السكر ع غفلة، ولما ما بيلتقى روبة لبن ..

بيت الجيران مصدر دعم أرغفة الخبز لما بيجو الضيوف فجأة والبيت ما فيه خبز كفاية .. وبكل مطبخ مرطبان القورمة واللبنة المكبكبة والتين المعقود والزعتر بالسمسم لأطيب منقوشة .

ببلدي كانت إيام الشتا فير شكل .. يا عيني على إيامها. كان المنقل ودخانو وكاسة الشاي يللي متل الدبس..

وين هيديك الإيام؟!

إذا دمعت عينيك بعد قراءة هالكلام إذن انت من لبنان إيام زمان، مش بلد الزبالة والحرمان والحرامية!. 

@ المصدر/ عبد الفتاح خطاب - منقول بتصرف


 
design رئيس التحرير: إبراهيم الخطيب 9613988416
تطوير و برمجة: شـركة التكنولوجـيا المفتوحة
مشاهدات الزوار 897328522
الموقع لا يتبنى بالضرورة وجهات النظر الواردة فيه. من حق الزائر الكريم أن ينقل عن موقعنا ما يريد معزواً إليه. موقع صيداويات © 2019 جميع الحقوق محفوظة