أكل وشرب
وليام ضو

جولة على أطيب الأكلات الشعبية بصيدا

صيدا من أجمل المناطق بلبنان غنية بالتراث، التاريخ، الجمال الأثري والناس الطيبة. لي ما بيعرف بعد إنو صيدا تالت أكبر مدينة بلبنان من بعد بيروت وطرابلس مشهورة بسوقها العتيق، القلعة، القصور العظيمة وأكلها الطيب.

اليوم رح نشوف كيف فيكن تقضوا نهار بصيدا وتاكلوا أشهي المأكولات الشعبية وتعيشوا أجواء صيداوية.

١. ترويقة لبنانية من مطعم فول الآغا

مطعم فول الآغا بيعمل ترويقة لبنانية متل الفتة، المسبحة، الحمص، وبليلا بحب وغرام.

الرقم: 043 774 76

٢. صحن بقلاوة من عند حلويات البابا

حلويات البابا من أشهر محلات الحلو العربي بلبنان، عمره أكتر من ٧٠ سنة، بيعملوا أشهر الحلويات العربية وأطيبها متل كنافة، معمول، بقلاوة، وحلويات شرقية على أنواعها.

الرقم: 733 455 71

وأكيد مع صحن معمول مشكل على الإيد.

وضروري تجربوا كمان لحم بعجين مع عيران، مش رح تصدقوا إنو بيعملوا أطيب لحم بعجين على الطريقة الصيداوية بتقرمش بالتم وبتحلي القلب.

٣. صحن فتة وحلوم مع حمص وفول من عند مطعم الزعيم

هل محل بحضر أطيب الأطباق اللبنانية التقليدية المقدمة بطريقة مرتبة وغير شكل.

الرقم: 090 752 07

٤. عصير فريش من عند Sunny Daze، سوق صيدا

مجربين شي الشاي المتلج أو الآيس تي على الإيد؟ هل محل بيعمل عصير فريش من شغل دّياتن من دون تلوين لتبوردوا شوي بهل شوبات. جربوا كمان عصير التوت المنعش.

الرقم: 579 817 71

٥. كاسة سحلب من عند أبو زهير

السحلب إلو أصولو، وأبو زهير حنقير بصيدا متمكن منو على المزبوط! وصار فيكن تاكلوا بوظة على سحلب كمان!

الرقم: 540 033 81

٦. أطيب صحن فوارغ من عند أهل الراية

مطبخ أهل الراية بيعمل أطيب أكل لبناني وكل الطبخات الشعبية لي بتخطر على بالكن: كوسا، فوارغ وكراعين، فتة، كبة بلبن، منسف دجاج، راس نيفا، كروش، منسف اللحمة، لسانات وهيك يعني.

الرقم: 181 815 81

٧. منقوشة جبنة وزعتر عند فرن النداف

هل فرن من تراث المنطقة، بيعمل مناقيش بالطحين الأبيض، الأسمر والشوفان ومناقيش على الحطب والخبز اللبناني بينضاف عليها جبنة وزعتر فريش.

٨. لقوم (راحة) من عند مروان شرف، سوق صيدا

لقوم نوع من الحلو التركي معمول بمي الزهر، النشا وسكر كتير بيشبه الراحة وفيكن تحطوا مع بسكويت ماري وتستمتعوا.

٩. أطيب ساندويش مقانق وروستو من عند باش أحمد

تعرفوا على محل باش أحمد يلي صرلو من سنة 1993 عم يقدم أشهى وألذ سندويشات بصيدا رح تجربوا أطيب الطعمات.

الرقم: 498 721 07

١٠. صنية سفوف من عند حلو يا سيفو

محل حلويات صرلو أكتر من ٢٠ سنة متخصص بالسفوف.

الرقم: 204 976 70

١١. ساندويش فلافل من فلافل العكاوي

أشهر محل فلافل بصيدا صرلو أكتر من ٧٠ سنة بقدم أطيب خلطة فلالفل بصيدا غنية بالطراطور والخضرا.

الرقم: 102 730 07

صورة: مايا بعاصيري

١٢. صحن مشوشة عند مطعم راتب

معلم راتب بيعمل أطيب صحن فول ومسبحة ومشوشة على الصبح.

الرقم: 824 941 70

١٣. مأكولات رمضانية، شوارع صيدا

أكيد ما تنسوا تجربوا المأكولات الشعبية الرمضانية لي فيها نفس طيب ما بتلاقوا غير محل.